Егер сіз келесі ұсыныстарды ұстанатын болсаңыз, АИТВ жұқтыру қаупін азайтуға болады:
* жыныстық серіктеске адалдық;
* жыныстық қатынас кезінде презервативті қолдану;
* медициналық процедураларды жүргізу үшін бір реттік және стерильді құралдарды қолдану;
* татуировка жасау, құлақты тесу, пирсинг-тек косметикалық салондарда;
* АИТВ жұқтырған жүкті әйелдерді АИТВ жұқтырған баланың туылу қаупін азайту мақсатында кеңес беру мен дәрі-дәрмекпен емдеуді қоса алғанда, қажетті медициналық көмекпен қамтамасыз ету;
* АИТВ және жыныстық жолмен берілетін инфекцияларға тестілеуден өту;
* инъекциялық есірткіні тұтынушыларға зиянды азайту бағдарламаларына қатысу;
* АИТВ-инфекциясының алдын алу үшін дәрігерлер дәрі-дәрмектерді қолдану бойынша ұсыныстар бере алады;
* антиретровирустық препараттарды, соның ішінде пероральді ДКП және ұзақ әсер ететін препараттарды қабылдау.
Антиретровирустық терапияны (АРТ) қабылдайтын және қанда вирустың болу белгілері жоқ адамдар АИТВ-ны жыныстық серіктестеріне бермейді.
Қазақстанда АИТВ-мен күрес 40 жылға жуық уақыт бойы жалғасып келеді. Егер бастапқы кезеңде шектеу шаралары вирустан негізгі қорғаныс ретінде қызмет етсе, бүгінде бұл қоғамды кеңінен ақпараттандыру, АИТВ-ға тестілеудің қолжетімділігі, АИТВ-мен ауыратын адамдар үшін толерантты орта құру, оларды тегін дәрі-дәрмектермен қамтамасыз ету. Мұның бәрі АИТВ-мен ауыратын адамдардың денсаулығын жақсарту үшін ғана емес, сонымен қатар АИТВ-инфекциясының таралуын болдырмау үшін де өте маңызды.
