Павлодар облысында АИТВ-инфекциясымен сырқаттанушылық бойынша эпидемиологиялық жағдай тұрақты күйінде қалып отыр.
Ағымдағы жылдың 1 қарашасына өңірде АИТВ-мен өмір сүретін 2830 адам ғана тіркелген. 2025 жылдың 10 айында АИТВ – ның 191 жаңа жағдайы тіркелді (118 ер адам және 73 әйел).
Антиретровирустық терапияны бүгінде есепте тұрғандардың 99,2% алады, бұл 2411 адам, оның ішінде 1417 ер адам, 994 әйел және 18 жасқа дейінгі 20 бала). 2025 жылдың 10 айында АИТВ-позитивті аналарда 15 бала дүниеге келді.
АИТВ жұқтыру тұрғысынан қауіпті жағдайдан кейін мазасыздықты жеңілдету үшін сіз өзіңіздің мәртебеңізді білуіңіз керек. Денсаулығыңызға мұқият болыңыз, өйткені АИТВ-инфекциясы аясында кез-келген ауру ауыр және арнайы емдеуді қажет етеді. Бұл әсіресе жыныстық жолмен берілетін инфекцияларға, вирустық гепатиттерге, туберкулезге және басқа ауруларға қатысты.
Аурудың дамуын тоқтататын және СПИД-тің дамуына жол бермейтін арнайы препараттарды уақытында қолдануды бастау маңызды.
АИТВ-инфекциясын ерте анықтау емдеуді уақтылы бастауға және АИТВ-позитивті адамның өмір сүру болжамын айтарлықтай жақсартуға мүмкіндік береді.
