37 жыл бұрын 1989 жылдың 1 қыркүйегінде Павлодар облыстық АИТВ-инфекциясының алдын алу жөніндегі орталығына бірінші келушіге есігін айқара ашты. Зертханада АИТВ-ға ғана емес, гепатитке де талдау жүргізілді.
Павлодар облысында АИТВ-инфекциясының алғашқы жағдайы 1996 жылдың желтоқсанында тіркелді, бұл Теміртау қаласының АИТВ-инфекциясы ошағынан келген инъекциялық есірткіні тұтынушы болды.
Содан бері негізгі міндеттер АИТВ-инфекциясының таралуының алдын алу бойынша диагностикалық, профилактикалық, эпидемияға қарсы іс-шараларды үйлестіру және жүргізу, АИТВ жұқтырған және ЖИТС-пен ауыратын науқастарға консультациялық-диагностикалық және емдеу-профилактикалық көмек көрсету болып қала береді.
Павлодар облыстық ЖИТС орталығы бірнеше рет ғылыми зерттеулер алаңына айналды. Павлодар облысы республикада алғашқылардың бірі болып АИТВ-инфекциясын электронды бақылау; американдық Халықаралық денсаулық сақтау одағының қолдауымен берілудің тік жолының алдын алу бағдарламасы сияқты пилоттық жобалар енгізілді. Біздің өңірде ҚР-да бірінші болып АИТВ жұқтырған әйелдерді босандыру кезінде жоспарлы гемостатикалық кесарь тілігі енгізілді, соның арқасында АИТВ жұқтырған әйелдерден туған сәбилердің жұқтыру деңгейі 3,5 есеге жуық төмендеді; «бірыңғай терезе» қағидаты бойынша ОАТ (метадон) алатын пациенттерге қызметтер кешенін көрсету жөніндегі жоба; АИТВ/ЖИТС-пен күрес жөніндегі АҚШ ауруларды бақылау және алдын алу орталықтарының (CDC) жаһандық бағдарламасы шеңберінде халықты АИТВ-инфекциясына тексерудің ұлттық тіркелімінің жүйесі әзірленді және енгізілді.
Бүгінде облыстық АИТВ-инфекциясының алдын алу жөніндегі орталықтың 2 бөлімшесі (Екібастұз және Ақсу қалаларында), 2 достық кабинеті, 15 сенім пункті бар. Зертхана жаңа заманауи жабдықтармен жабдықталған. Осы жылдар ішінде кәсіби кадрлар құрамы қалыптасты. Мұнда 34 дәрігер, 52 орта медициналық қызметкер жұмыс істейді. Орта медицина қызметкерлерінің санаттылығы 90% құрайды. Дәрігерлердің бақылауында АИТВ-мен өмір сүретін 2474 адам бар.
Орталықтың жетістіктерінің қатарында АИТВ-инфекциясын шоғырланған кезеңде ұстап тұру, білікті медициналық көмек және жұқтыру қаупі жоғары халықтың негізгі топтарына профилактикалық көмектің қолжетімділігі бар. Жұмыстағы сәттіліктің басты шарты-медицина қызметкерлерінің жоғары кәсібилігі. Мұнда пациентті антиретровирустық терапияны үнемі қабылдау, АИТВ жұқтыру қаупін азайту, толыққанды отбасылық және әлеуметтік өмір сүру, дені сау балалар туу қажеттілігіне сендіру маңызды.
Павлодар облыстық АИТВ-инфекциясының алдын алу жөніндегі орталығы
Қазақстан Республикасы Денсаулық сақтау министрлігінің «Қазақстан Республикасы Денсаулық сақтау министрлігі Медициналық және фармацевтикалық бақылау комитетінің Павлодар облысы бойынша департаменті» республикалық мемлекеттік мекемесімен 31.12.2025 жылғы №25041438 лицензиясы берілді.
